Systurnar í New York: 2009

Monday, December 14, 2009

Heimilisfang i New York

Hef fengid margar fyrirspurnir um heimilisfang okkar her i New York og thar sem eg vil nu alls ekki missa af neinum jolakortum tha set eg thad her lika:

215 W 84th street, apt. 406
New York, NY 10024
USA

Thad eru lika bakadar sorur i New York

1/3 af afrekstri dagsins

I kjol fra langafa Joa

Wednesday, November 25, 2009

Hver stjórnar?

Það er alveg á hreinu hver stjórnar á heimilinu! Síðustu helgi þegar Jói átti frí þá voru þau að leika saman og SJ datt í hug að fara að leira. Hún talaði um það við pabba sinn að það væri gaman að leira og sneri sér strax að mömmu sinni:

"Mamma, megum við pabbi leira plííííííís?"

Í morgun var allt á fullu við að undirbúa SJ fyrir leikskólann og ég segi við hana á e-m tímapunkti "geturðu farið niður og fundið til föt handa þér með pabba þínum"
Hún svarar með hneykslistón: "neeeei, pabbi kann ekkert að velja föt!"

Monday, November 23, 2009

Gullkorn

Er allt of léleg við að skrá allt sem vellur upp úr Sólveigu Júlíu en hér er smá sýnishorn:

Sólveig Júlía að ákveða í hvaða kjól hún ætti að klæðast í afmælinu sínu:

"Má ég vera í hvíta kjólnum mínum, þessi sem er ekki með neinn lit bara alveg hvítur. Hann er nefnilega jólakjóllinn minn og ballkjóllinn minn, hann er silkikjóll!" og hér var hún að tala um jólakjólinn sinn sem hún var í á jólunum 2007 þá 2ja ára! Vill alltaf vera að troða sér í hann því hann er SIIILKIKJÓLL ;)

Nokkrar pælingar hjá barninu:

"Af hverju er himininn svona stór?"

"Af hverju eru bílarnir fastir á jörðinni?"

Eitt kvöldið var ég inni í eldhúsi að huga að kvöldmat og heyri þá í henni vera að kalla e-ð frammi í stofu. Ég hélt að hún væri bara í e-m leik eins og vanalega og þegar ég kem fram þá situr mín uppi í glugga og kallar út:

"Does anybody out there want to play with me!!"
Nú þarf að finna leikfélaga fyrir hvern einn og einasta dag, greinilega ekki hægt að leika við mömmu lengur.

Þegar hún fær að horfa á barnatímann í sjónvarpinu þá er kallað hátt yfir hverri einustu auglýsingu:
"má ég fá svoooona í jólagjöf" eða "vá mig langar í svona í jólagjöf" Þetta eru orðin sjálfkrafa viðbrögð hjá henni því að áðan byrjaði hún
"Ég vil fá svoooona í jólagjöf" og strax á eftir fylgdi "hvað er þetta?"

Er síðan farin að óska eftir hinu og þessu fyrir systur sína, auðvitað allt sem hún gæti notað líka - kannski farin að fatta að hún mun ómögulega geta fengið ALLT sem auglýst er í sjónvarpinu.