Litla skott var allt í einu orðin berrössuð í dag og þegar við spurðum hana hvað hefði orðið um nærbuxurnar hennar þá segir hún " þær voru svo pirraðar svo ég fór úr þeim" (þær voru sem sagt e-ð að pirra hana).
Við mæðgur vorum á leið í leikskólann um daginn og sáum ruslabíl keyra framhjá okkur. Þá segir Sólveig Júlía: "þegar ég var lítil þá fannst mér gaman að vera ruslastelpa" - ein aðeins að rugla við að hafa heyrt pabba sinn segja að hann hefði viljað verða ruslakall þegar hann var lítill (og að sjálfsögðu getur hún ekki verið rusla"kall" heldur bara rusla"stelpa").
Áttum annars rólega og frábæra helgi. SJ fór í ballettinn sinn í gærmorgun og stóð sig vel. Í fyrsta tímanum (fyrir viku síðan) þá var hún svolítið í eigin heimi seinnipart tímans og var mest í að "dansa ballett" sjálf fyrir framan spegilinn og minnst í að gera eins og kennarinn bað um. Í gær gerði hún þó allt eins og átti að gera eftir smá undirbúning heima fyrir ;) . Foreldrarnir fá ekki að vera með inni í salnum en maður getur aðeins kíkt inn um hurðina til að fylgjast með, frekar sætt að sjá 6 litlar 3ja ára stelpur fylgja kennaranum í einu og öllu (eða svona oftast). Við foreldrarnir fengum síðan pössun í gærkvöldi og skelltum okkur á kaffihús og í bíó. Kaffihúsið sem var í myndinni "You've got mail" er hér í næstu götu við okkur og er alveg frábært og sáum síðan myndina Ghost Town, getum alveg mælt með henni.
Kv. Ágústa
Subscribe to:
Post Comments (Atom)
No comments:
Post a Comment