Cabin fever

Já við mæðgur erum búnar að vera innilokaðar meira og minna síðan á miðvikudaginn. SJ búin að vera með slæmt kvef, yfir 40 stiga hita og svo fékk hún augnsýkingu í ofanálag. Ég fékk slenið hennar síðan á mánudagskvöldið. Hún er loks öll að verða betri og hreinlega grenjar um að fá að fara út. Vona að það gerist fljótlega því að allur jólaundirbúningur hefur algjörlega setið á hakanum..

Kv.
Ágústa

Jóla jóla

Allt fínt að frétta. Sólveig Júlía er heldur betur búin að ná sér eftir gubbupestina (hún gubbaði í 6 daga NB takk fyrir kærlega) og er alveg botnlaus þessa dagana. Ég er farin að halda að hún sé í einhverjum vaxtarkipp miðað við svengd. Hún fékk fulla leikskólaviku þann 1.des svo að nú fer hún hress og kát á leikskólann á hverjum morgni. Ég sæki hana þó alltaf um 3 leytið og við skottumst saman í jólaundirbúningi. Hún elskar að sjá allt jólaskrautið útum allt og það er mikið talað um jólasveina, jólaljós, jólaskraut og já bara allt jóla á þessu heimili. Hún fékk sendan jólasveina DVD og CD frá afa sínum á Ísafirði og það sló alveg í gegn.

Settum síðan skóinn út í glugga í gærkvöldi og hún var svona ekki alveg að fatta. Amk getum við ekki alveg notað þetta sem uppeldisaðferð ennþá ;) eins og er þá er henni nokkuð sama hvort hún fái eitthvað í skóinn, en sjáum hvað gerist eftir nokkra morgna.

Það hefur verið pínu brösugt að fá hana til að sofna sjálf í sínu rúmi eftir allt veikindastússið og er endalaust verið að biðja um að syngja eitt lag í viðbót, lesa eina bók í viðbót osfrv. Í gærkvöldi þegar hún átti að vera farin að sofa þá kallar hún og biður mig um að lesa eina bók "mamma lesa eina bók" og þegar ég segi nei, þá er mín fljót og segir "mamma lesa tvær bækur" !!

Einhverjir hafa verið að biðja okkur um heimilisfang fyrir jólakort og hér er það:

215 W 84th street, apt. 406
New York, NY 10024

Eyðum jólum hér en lendum heima að morgni 27.desember.

Kv. Ágústa

Fjör í fríinu

Thanksgiving fríið okkar byrjaði ansi vel. Jói var búinn að vinna fyrir kl. 4 sl. miðvikudag og þá fórum við og fylgdumst með þegar verið var að blása upp gígantísku stóru "blöðrurnar" fyrir Macys skrúðgönguna sem er alltaf að morgni Thanksgiving. 15 stiga hiti og Sólveigu Júlíu fannst gaman að sjá marga af sínum uppáhalds karakterum uppblásna eins og Doru (the explorer) ofl. Ætluðum síðan að vakna snemma morguninn eftir og fylgjast með skrúðgöngunni eeeen little miss SJ vaknaði upp kl.4 og fór að kasta upp. Ætla ekkert að lýsa næstu dögum neitt í smáatriðum en þeir fóru vart í annað en að reyna að koma vökva ofan í SJ og að þvo þvott. Á laugardagsmorguninn var hún enn að gubba og eftir að hafa talað við lækni þá vorum við send á bráðamóttökuna. Greyið litla var orðin ansi máttfarin, mótmælti ekki einu sinni þegar verið var að stinga hana og svo svaf hún meira og minna þann dag. Hún var síðan útskrifuð seinnipartinn í dag. Þ.a. 4ra daga fríið okkar fór fyrir lítið. Ætla ekki að fara út í þá sálma hvað ég vorkenni foreldrum langveikra barna og vona að við þurfum aldrei að lenda í þeirri stöðu en þetta var með því erfiðara sem við höfum gert. Sólveig Júlía er algjör hetja í okkar augum, var með risa-unit um vinstri úlnið þar sem hún var með vökva í æð og gat því ekkert beitt þeirri hendi en hún kvartaði ekki einu sinni. Í dag var hún orðin það hress að hún fékk að fara í leikherbergið og hún lék sér með annarri eins og hún hefði aldrei gert annað, reyndi ekki einu sinni að beita hinni hendinni. Hún reyndar hafði það á orði 2svar að "konan" (hjúkkan) hefði gleymt blóðþrýstingsmælinum sínum og átti þá við unit-ið á hendinni. Öllum á spítalanum fannst hún auðvitað hrikalega dugleg og sæt.

Aðalatriðið er nú samt að við erum komin heim og hún er hress og kát. Hún var hrikalega glöð að koma heim og fékk að velja sér eitt dót úr dótabúðinni á horninu og varð pizzu Elmo fyrir valinu :)

Mikið af góðum gestum á næstunni en pabbi og TV koma á morgun og síðan frænkur mínar, Ágústa og Anna Katrín á föstudaginn. Lítur út fyrir mikla vinnutörn hjá Jóa svo það verður gott fyrir okkur mæðgur að fá félagsskap.

Hún á afmæli í dag, hún á afmæli í dag...

Sætasta snúllan í bænum alveg að verða tveggja ára, originally uploaded by solveigjulia.

2ja ára snúlla! Alveg ótrúlegt hvað tíminn líður hratt.

Trick or Treat - Myndir!

Á leiðinni í leikskólann, originally uploaded by solveigjulia.

Happy Halloween!

Halloween í dag og ríkir mikil spenna á heimilinu. Sólveig Júlía veit að hún á að fara í búning, setja "twick or tvíít" og fá svo nammi.

Byrjum hrekkjavökuna á því að fara í leikskólann kl.3 og þar fara allir krakkarnir í skrúðgöngu sem endar inni á leikskolanum í partýi með kökum og djús. Um 6 leytið förum við síðan að sníkja nammi en öllu 69. stræti hér vestan megin er lokað fyrir bílaumferð og þar safnast allt hverfið saman og úr verður hálfgerð götuhátíð, allt skreytt og flott.

Set inn myndir fljótlega en verð að biðjast velvirðingar á Skoppu og Skrítlu myndunum því að Jói tók þær allar á "raw" formatti og ég get ekki sett þær á netið fyrr en hann er búinn að vinna þær (get auðvitað ekki gert það sjálf ;).

Síðan kemur amma í heimsókn á morgun og mikil eftirvænting eftir því.

Kv. Ágústa

Meiji kúlur

Sólveig Júlía fékk að smakka smarties í fyrsta skipti áðan og annar eins sælusvipur hefur varla sést!! Við fórum strax að efast um okkur, hvað við hefðum eiginlega verið að koma okkur út í. "Meiji kúlur" heyrðist bara frá minni. Hún fékk síðan 2 í viðbót og var svo sannarlega sátt með sitt :)

One, tú, þrííí

Vorum að lita í gær rétt fyrir háttatíma og ég heyri þá SJ segja "one, two, three litir" , og upp kom úr krafsinu að lillan okkar kann að telja uppá 10 á ensku. Við höfum ekki verið að kenna henni þetta þ.a. hún hlýtur að hafa lært þetta á leikskólanum. Hún kann að telja upp á 10 á íslensku nema sleppir alltaf 2 og 9.

Erum búin að æfa það að segja "twick og tvít" fyrir Halloween og mín er alveg með það á hreinu að hún fær nammi ef hún segir þetta. Erum að reyna að útskýra fyrir henni að mamma og pabbi eiga að fá nammið ;) en hún er sko ekki til í það, "Soljulia boðða nammið" !

Skoppa og Skrítla slógu aldeilis í gegn á laugardaginn, við tókum fullt af myndum sem ég hleð bráðum inn. Síðan eru þær með aðra sýningu (ný sýning) þann 3.nóvember og við förum auðvitað líka þá.

Kv. mamman

Leikskólastelpa

Sólveig Júlía er alsæl á leikskólanum og kyssir mömmu sína og vinkar henni bless eins og ekkert sé þegar ég fer með hana á morgnanna. Fengum þær góðu fréttir í vikunni að frá og með 1.nóvember fær hún loksins þriðja daginn og verður því í leikskólanum þri, mið og fim. Erum alveg í skýjunum með þennan leikskóla. Bæði eru leikskólakennararnir algjört yndi og síðan er alltaf eitthvað í gangi. Núna er mikið verið að föndra með appelsínugult þar sem Halloween er á næsta leiti og t.d. í gær bjuggu þau til orange jello. Í skólastofunni hanga hin ýmsu listaverk eftir krakkana, bæði sem þau hafa málað sjálf og síðan eru líka "partner paintings" þar sem þau mála tvö og tvö saman.

Af öðru er svo sem ekki mikið að frétta. Vinnutíminn hjá Jóa hefur verið mjög fjölskylduvænn uppá síðkastið, frí síðustu helgar og oft kominn heim fyrir kl.7 á kvöldin. Nú fer afmælisvertíðin að byrja og vonandi mun Jói geta tekið sér frí á morgun afmælisdaginn sinn. Við ætlum að byrja á því að fara og sjá Skoppu og Skrítlu í fyrramálið ásamt Stefáni Borgari og foreldrum. Ætli við förum ekki síðan í brunch og njótum dagsins. Annað kvöld erum við síðan komin með pössun og við hjónakornin ætlum út.

Rigningarlegt í NYC í dag, spurning hvort við mæðgur munum ekki eiga rólóvellina útaf fyrir okkur.

Góða helgi elsku fjölskylda og vinir!

Heimavinnandi húsmóðir...

Síðan ég byrjaði í starfinu þá hefur mér tekist..

a) að detta inn í alla sjónvarpsþætti sem til eru. Meira að segja "Bachelor", eitthvað sem ég hef ekki fylgst með í mörg ár! Fylgir þetta starfinu? Tek það nú samt fram að á daginn er ég ennþá fyrst og fremst mamma þ.a. Dr.Phil o.fl. sjást ekki á skjánum á þessu heimili. Spurning hvenær gralldísin getur farið að sjá alveg um sig sjálf svo ég geti bara legið eins og skata fyrir framan tívíið.

b) að komast í silfurklúbb GAP! Jahá, opnaði GAP kort fyrir um ári síðan og ég hef greinilega verið ansi dugleg við að strauja kortið því í gær barst mér bréf þar sem mér var þakkað kærlega fyrir að vera góður viðskiptavinur og að ég væri því komin í silfurklúbbinn þeirra. Er því komin með ansi fínt silfur GAP kort og allskyns auka-hlunnindi. Manni tekst nefnilega að eyða og eyða í þessu starfi en þegar maður er með svona fínt kort þá finnst manni maður líka alltaf vera að græða, því að þú færð punkta fyrir hvern $ og síðan fær maður sent í pósti reglulega 10$ reward. Og þá fer maður auðvitað beinustu leið í búðina og kaupir fyrir $$$ því að maður er að græða 10$ !!

Setur maður þessa reynslu ekki beint á CV-ið?

Rigningin er góð til að hoppa og sulla...

Litla skott er búin að vera með hor og kvef í örugglega 10 daga núna. Vaknaði síðan upp rennsveitt með hita í fyrrinótt og fór því ekkert í leikskólann í gær. Fékk aftur smá hitavellu í gærkvöldi en getur vonandi farið í leikskólann á morgun. Það var smá rigning hér í morgun og Sólveig Júlía fór í pollabuxur og stígvél og við örkuðum út á róló, æði fyrir hana að geta hoppað í pollum án þess að heyra tuð í mömmunni (elskar nefnilega að hoppa og sulla en ekki mikil ánægja þegar hún fer að gera það í venjulegum skóm í drulluskítugum holræsapollum). Svo sem ekki mikið nýtt hægt að segja frá rólóferðinni nema við vorum algjörlega einar í heiminum!! Get ekki sagt að það hafi verið mikil rigning, meira kannski úði, en greinilega nóg til þess að halda amerískum börnum sem eiga ekki íslenska pollagalla heimafyrir.

Áttum æðislega helgi núna síðast en Jói var í fríi ALLA helgina (plús kom heim í kvöldmat mið,fim og fös). Jói hitti fyrst Gunna Palla vin sinn á föstudaginn og fór síðan í whisky klúbb íslenskra NY félaga. Á laugardaginn vorum við bara e-ð að dingla okkur öll saman en fengum síðan barnapíu í fyrsta skipti fyrir Sólveigu Júlíu (þegar frá er talin fjölskylda, vinir eða aupair) þar sem við fórum út að borða með Gunna Palla, Karen, systur Gunna og kærasta hennar. Fengum "lánaða" barnapíu Maríu og Brynna og munum pottþétt nýta okkur hana aftur, Sólveig Júlía svaka ánægð með hana og allt gekk vel.

Nú styttist í Halloween og það verður ekki lítið leiðinlegt að klæða SJ upp og láta hana safna nammi fyrir foreldra sína ;)

Mæðgurnar kveðja í bili!

Fréttapistill frá NYC

Ætti kannski að fylgja með færslunni hér að neðan að hún er ansi góð í að "panta leigubíla" eins og hún segir, og einnig heyrðist frá henni einu sinni þegar ég sagði að við værum núna að fara að labba heim, "fara í leigubíl" ;)

Leikskólinn sveik okkur með fleiri daga í október þ.a. hún er enn bara 2 daga vikunnar. Fáum vonandi 3ja daginn í nóvember. Hún átti að vera á leikskólanum í dag en fékk að vera heima þar sem það er e-ð að hrjá litla greyið okkar því að ég þurfti að skipta á 7 mis-skemmtilegum bleyjum í gær og hún er rauð á bossanum eftir því. Síðan hefur sama bleyjuvesen haldið áfram í dag. Hún er samt hress og kát og borðar vel þ.a. við höfum ekki miklar áhyggjur af þessu.

Þorvaldur var í vinnuferð hér í NY þ.a. hann og María og Brynni komu til okkar í gærkvöldi og við borðuðum saman. Við mæðgur eyddum síðan deginum í dag með Þorvaldi.

Nýjasta nýtt hjá litlu mús er að syngja sjálf. Henni finnst æði að hlusta á tónlist og láta syngja fyrir sig og allt í einu núna er hún farin að syngja heilu lögin alveg sjálf. Hefur greinilega viljað læra þau alveg áður en hún færi út í það að syngja. Lögin sem hún kann eru ABCD á íslensku og ensku, "Gulur, rauður, grænn og blár", Afi minn og amma mín, Afi minn fór á honum Rauð og svo stubbalagið eins og hún kallar eitt uppáhaldslagið.

Dora the Explorer er enn í miklu uppáhaldi og er misjafnt hvort hún vilji hafa Dóruköku eða Kisuköku (Hello Kitty) í afmælinu sínu. Á tímabili var hún farin að tala um að vilja Tommalest (Thomas and friends)köku en er hjúkket hætt við það ;) ekkert strákaþema hjá litlu prinsessunni minni takk fyrir! Við María ætlum að halda saman uppá afmæli grislingana þ.a. það verða samt auðvitað 2 þema í gangi.

Segi þetta gott í bili og biðjum að heilsa öllum heima á Fróni!

Taxiii!

Taxiii!, originally uploaded by solveigjulia.

Sólveig Júlía að panta leigubíl fyrir foreldra sína

Kaglaföt

Aðeins farið að róast hjá Jóa en hann kom heim kl. 7.30 í gær sem í dag þykir algjör bónus. Hann gat því sett SJ í rúmið og við borðað saman kvöldmat :) Á morgnanna fer hann síðan í "kaglaföt" að sögn dóttur sinnar.

Jói fær mörg prik fyrir snilld gærdagsins, hann uppgötvaði að Skoppa og Skrítla verða hér í NY að skemmta í október og nóvember. Ekki lítið sem Sólveigu Júlíu finnst þær skemmtilegar þ.a. hann keypti miða fyrir okkur á afmælisdaginn hans 20. október. Ég get ekki beðið eftir að sjá svipinn á dóttur minni þegar hún sér þær í eigin persónu.

31 stiga hiti og sól hér í dag :)

Kv. Ágústa

Hver man?

Það er eins og þetta hafi verið f. 10 árum en ekki rétt rúmu ári! Sólveig Júlía í San Fransisco í mars 2006.

Kva´etta...

heyrist ansi oft þessa dagana. Vill fá að vita hvað allt er, sama hvað það er. Síðan er hún farin að ögra foreldrunum ansi mikið, farin að "testa" hvar mörkin liggja.

Erna, Viktor og Vésteinn sætilíus eru komin í borgina. Eru búin að vera hjá okkur síðan á þriðjudaginn en fara heim til Íslands á morgun :( Það verður því tómt í kotinu eftir að þau fara. Sólveigu Júlíu finnst æði að hafa þau og má ekki missa sjónar af neinu þeirra og segir strax "kva´er Eðna" eða "kva´e Viktor" og vill alltaf vera að "kíkja á Vedeins". Henni finnst hún samt þurfa að berjast aðeins fyrir athyglinni og það hefur farið aaaaðeins meira fyrir henni heldur en vanalega. Vill mikið vera að knúsa litla frænda sinn sem er mishrifinn af því. Síðan uppgötvaði hún að hann getur verið með svolítið músarhjarta því að ef hún öskrar nálægt honum þá myndast skeifa og hann fer að gráta, það eru því ófá öskur hér á bæ þessa dagana.

Erna og Viktor kalla Jóa huldumanninn þar sem hann hefur varla sést síðan þau komu. Hann kemur heim ca á milli 2 og 4 á nóttinni og er farinn aftur um hálf níu á morgnanna. Það má því segja að það sé pínulítið að gera hjá honum. Þess vegna er líka búið að vera sérstaklega gott fyrir okkur mæðgur að hafa þau hér. Ég og Jói áttum að eiga "deit" night í kvöld þar sem E&V ætluðu að passa en minn maður þurfti að cancella v/vinnu og fékk ég því deit með Maríu Mjöll í staðinn. Fórum í bíó að sjá The Bourne Ultimatum.

Stærstu fréttirnar eru líklegast þær að lillan okkar er svooo dugleg á leikskólanum að ég á engin orð til yfir það. Á þriðjudaginn þá bara lagðist mín á beddann sinn (eru með bedda með sínu laki og teppi) og fór að sofa. Það þurfti enginn að halda í hendina á henni eða strjúka henni eða bara neitt. Síðan sótti ég hana stuttu eftir að hún vaknaði. Á fimmtudaginn þá gerði hún slíkt hið sama og "fékk" síðan að vera aðeins lengur á leikskólanum og ég sótti hana á leikvöllinn kl. 4. Hún er mikið farin að leika við krakkana og apar víst allt eftir leikskólakennurunum sama hvað þær segja. Það er því örugglega ekki langt í að hún fari að tala enskuna. Henni finnst samt ennþá erfitt að kveðja mömmu sína á morgnanna og grætur svo sárt að Erna fékk tár í augun þegar hún fór með mér á fimmtudagsmorguninn. Og meira af leikskólamálum - hún fær fleiri daga núna strax í október, jafnvel fulla viku!! Það þýðir líka bara eitt... þá þarf ég að fara að drífa mig í að skoða mín mál, hvað ég ætla að gera osfrv..

Þetta ættu að vera nægar fréttir af NY búum í bili,
kv. Ágústa

Sólveig Júlía þroskast

Mjög gaman að fylgjast með hvernig leikirnir breytast hjá Sólveigu Júlíu. Núna getur hún t.d. setið í lengri tíma með bóndabæinn sinn og sagt dýrunum til. "Vertu inni" heyrist oft, þá er hún að skipa dýrunum fyrir og oft er "háttatími" og eftir stutta stund er sagt "góðan daginn". Henni finnst líka mjöööög skemmtilegt að drösla dúkkunum sínum hingað og þangað, skipta á bleyjum, gefa þeim að borða og drekka og koma þeim í háttinn.

Eftir að hún náði tækninni við að hoppa þá fer maður ekki út að labba lengur, heldur út að hoppa! Hún hoppar og skoppar út um allt. Nú væri gaman að komast á eins og eitt stk. "íslenskt" trampólín eins og í sumar.

Leikskólinn gekk vel á fimmtudaginn sl. (hún er bara á þriðjudögum og fimmtudögum enn sem komið er), það þurfti bara eina fóstru til að slíta hana frá mér og hún borðaði hádegismatinn sinn á réttum tíma með hinum krökkunum. Hún vill ekki enn leggja sig þar en það hlýtur að koma einn góðan veðurdag, ekki satt? Miþþþ Liþa og Miþþþ Heþþþer eru mjög hrifnar af henni og segja að hún standi sig mjög vel þegar mamma er farin. Leikur sér við hin börnin, syngur og dansar í söngstund og situr kyrr þegar það er lestrarstund. Er líka blaðrandi út í eitt sem er gott því þær segja að oft þegar erfitt er að aðlaga krakkana þá verða þau mikið inní sig og þegja þegar foreldrarnir eru farnir. Henni líður því greinilega vel og finnst gaman á leikskólanum.

Bangsimon og "gítttla" (Skoppa og Skrítla) eru í mestu uppáhaldi þegar kemur að sjónvarpsefni og ef hún mætti þá gæti hún horft á þetta tvennt til skiptis allan liðlangan daginn.

Jæja þetta eru svona helstu punktar úr lífi SJ þessa dagana!

Kv. frá litlu fjölskyldunni í NY

Leikskólalíf

Þetta er loks allt að koma hjá little miss SJ, í gær borðaði hún hádegismatinn sinn á leikskólanum (e-ð sem hún hefur ekki viljað gera áður). Það er samt ennþá erfitt á morgnana þegar við mætum, um leið og hún sér leikskólann byrjar hún að segja "mamma horfa á" , og er þá að vísa í þegar ég var með og horfði á fyrstu dagana hennar. Síðan byrjar hún að gráta og heldur rembingsfast utan um hálsinn á mér þegar við nálgumst deildina hennar. Til að gera aðskilnaðinn ekki erfiðari þá kyssi ég hana bless og fer strax. En til að ég geti farið strax þá þarf ein fóstran að taka Sólveigu Júlíu og sú næsta að losa hendurnar hennar af mér á meðan hún öskrar ! Hún jafnar sig sem betur fer á nokkrum mínútum og byrjar að leika sér við hina krakkana. Ég jafna mig síðan þegar ég fæ símtal frá fóstrunni um að hún sé búin að jafna sig. En henni finnst greinilega gaman á leikskólanum því að hún er mikið að segja okkur frá hvað hún gerði þann daginn og er farin að kyssa fóstrurnar bless. Sætast er þó þegar hún segir nöfnin þeirra "miþþþ Liþa" (miss Lisa) og "miþþþ Heþþer" (miss Heather).

Haustið er greinilega komið til NY, í dag er bara rétt rúmlega 20 gráður og hreinlega svalt í skugganum. Vinnan fer hægt af stað hjá Jóa, hann fer rétt um hálfníu af stað á morgnanna og er kominn heim fyrir kl.6. Hann byrjaði þó í einhverju verkefni í gær þ.a. nú gæti hann þurft að fara að vinna lengur. Erla Magga var í stoppi hér í gær og við mæðgur náðum að sýna henni nýju íbúðina og næsta nágrenni. Æðislegt að ná að hitta hana og nú heyrist mikið "Egla Magga".

Kv. Ágústa

Lífið í New York

Það er spurning hversu uppbyggilegt það sé fyrir lítil börn að búa í New York. Í fyrrakvöld vorum við að fara út að borða og á meðan við erum að bíða eftir lyftunni í húsinu okkar spyr ég Sólveigu Júlíu hvert við séum að fara. "Í matinn" svarar hún um leið (með "nú í matinn" tón eins og ekkert væri sjálfsagðara). Þetta minnti mig á þegar maður var í skíðafríum í Austurríki og fór niður "í matinn" á kvöldin. Þá var það nú eiginlega bara í fríum sem maður fór í svona "mat" en Sólveigu Júlíu finnst ekkert sjálfsagðara en að fara út að borða eða þá að fá mat sendan heim. Minnir okkur reglulega á að "maðurinn kom með matinn". Fengum síðan loks nýja sófann okkar og borðstofuborðið í gærmorgun og auðvitað kom maðurinn með það (eða gaf okkur það eins og hún segir). Síðan er mjög þægilegt að láta manninn bara keyra sig á milli staða (leigubílsstjórann) og hún er orðin góð í að vinka leigubílunum þegar manni vantar einn slíkan.

Já ljúft líf í New York, ekki satt ;)

Pasta enn í miklu uppáhaldi

Pasta enn í miklu uppáhaldi, originally uploaded by solveigjulia.

Erum að prófa okkur áfram með nýja myndasíðu...

Piss piss og pelamó...

Haldiði ekki að lillan okkar hafi pissað í klósettið í gær í fyrsta skipti! Foreldrarnir klöppuðu mikið og hún varð frekar montin með sjálfa sig. Vona því að þetta bleyjustand fari bráðum að hætta, sjáum til.

Kv. Ágústa

Fyrsta færslan á nýjum stað

Loksins kem ég mér að því að stofna nýja síðu fyrir Sólveigu Júlíu. Þetta verður ekki hefðbundin bloggsíða heldur eins og áður þá verður þetta leið fyrir vini og vandamenn til að fylgjast með lífinu okkar hér úti. Ég mun fyrst og fremst segja frá því sem Sólveig Júlía er að gera þ.a. þið sem ekki hafið áhuga á að fylgjast með aðlögun á leikskóla, nýjum orðum, svefnvandamálum osfrv. getið hætt að lesa núna ;) Ef eitthvað merkilegt er í fréttum eða þá að mér hundleiðist og geri ekki annað en að hanga í tölvunni þá kannski koma færslur um önnur málefni.

Stór dagur í dag en fyrsti "alvöru" leikskóladagurinn var í dag. Hún var í aðlögun alla síðustu viku og gekk það misvel. Þetta er ekki tekið alveg jafn föstum tökum eins og maður hefur heyrt frá Íslandi, heldur er þetta gert á aðeins harðari máta. Greyinu var liggur við hent út í djúpu laugina á degi 2 og mömmunni sagt að fara. Veit ekki hvorri okkar leið ver, örugglega mér. Í morgun var mér síðan líka sagt að fara og hún grét og grét þegar ég fór en jafnaði sig víst frekar fljótt. Síðan fóru þau út að leika og hún varð víst frekar lítil þegar þau fóru út og þegar þau fóru aftur inn, breytingar á umhverfi fóru ekki vel í hana. Síðan vildi hún ekki borða hádegismat né leggja sig og þá var gott að mamman var í 2 mín fjarlægð á bekk að lesa. Þorði ekki að færa mig í 3klst ef þau skyldu nú hringja í mig. Hún fer síðan aftur í leikskólann á fimmtudaginn og þá hætti ég mér kannski í gymmið sem er í næsta húsi :)

Jói byrjaði síðan að vinna fyrir alvöru í dag. Það má því segja að "alvöru" lífið okkar hér í NY sé hafið.

Húsmóðirin kveður í bili!